Ял итү урыннарын чисталыкта тотыйк, дуслар

Көннэр эссе тору, бер караганда, рәхәт. Әмма артык кояшка, кызуга түзә алмаганнар өчен бераз кыенрак. Су коену өчен менә дигән вакыт. Район балалары быел кинотеатр каршындагы фонтанда коенып рәхәтләнделәр. Аларның чыр-чу килгән шат авазларыннан якын-тирә гөрләп торды. Кунакка кайтканнар өчен дә яңа ял паркы тирәсе күңел ачу мәйданчыгына әверелде. Шуны искәртеп үтәсе килә: мондый матурлыкны саклый белергә, чисталыкта тотарга кирәк. Шуңа, хөрмәтле дуслар, ял иткән җирләребезне чүпләмик, пычратмыйк.