"Яңа ел барыбызга да бәхет, уңышлар, җылылык һәм нур алып килсен!", - дип тели Гөлнара Хуҗина

Үтеп баручы катлаулы елда без дә матур гына эз калдырып, Яңа елга күчә барабыз. Үзәгебездә бик күп авырулар тернәкләндерү үтте, алар күңеленә өмет нуры яңадан кайтты. Алар белән бергә безнең күңелләрдә дә ышаныч артты. Декабрь бураннары, кышкы салкыннарда җемелдәгән йолдызлар алып килгән Яңа ел белән котлыйм сезне, хөрмәтле хезмәттәшләрем, райондашларым! Бәйрәмегез мөбәрәк, ризык тулы өстәлегез түгәрәк, эшләрегез уң булсын. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен, барлык күңелсезлекләр иске елда калсын. Яңа ел барыбызга да бәхет, уңышлар, җылылык һәм нур алып килсен!