Татарстанда массакүләм чараларны тыйдылар

Дүшәмбедән, ягъни 28 февральдән Татарстанда массакүләм чаралар үткәрү тыела. Премьер-министр Алексей Песошин шул хактагы фәрманны имзалады.

Чикләү коронавирус таралу белән бәйле диелгән. Срогы билгеләнмәгән, фәрманнан аңлашылганча, ул эпидемиологик вәзгыять яхшыру турында башка фәрман кабул ителгәнче үз көчендә булачак.

Шушы ук фәрманда сәламәтлек саклау министрлыгына Донецк һәм Луганск халык республикаларыннан килүчеләргә коронавирустан тест үткәрү бурычы куела.

18 февральдә Татарстанда QR–кодлар юкка чыгарылды һәм кибетләргә төннәрен дә эшләү рөхсәт ителде. Хәзер балигъ булмаганнарга сәүдә йортларына үзләренә генә дә керергә ярый. Әмма битлек режимы кала - Татарстан буенча Роспотребнадзор җитәкчесе әйтүенчә, Татарстанда калган чикләүләрне бетермәячәкләр, дип әйтте.

Статистикадан аңлашылганча, Татарстанда коронавирус кимүгә таба бара. 25 февральдә республикада 2545 кеше авыру йоктырган. 14 февральдә 3970 очрак иде. Әмма инде 2021 ел белән чагыштырганда, быел коронавирус белән авыручылар күбрәк.

Чыганак: https://intertat.tatar/news/kadak/27-02-2022/tatarstanda-massak-l-m-charalarny-tyydylar-5850265