Сарманда "скандинав йөреш"ен кулланалар

"Скандинав йөреш"енең асылы бик гади - махсус таяклар кулланып, ачык һавада хәрәкәт итү. Ул бераз чаңгыда йөрүне хәтерләтә, тик чаңгылар гына юк. Бу барлык кешенең дә кулыннан киләрлек шөгыль, дисәң дә була. Аеруча әлеге ысул өлкән кешеләр өчен файдалы, чөнки кул-аяк, гәүдә мускулларын активлаштыра, йөрәк, үпкә эшчәнлеген яхшырта. Шулай ук "скандинав йөреш"е табигый ысул белән ябыгырга теләүчеләр өчен файдалы.

Сарманда әлеге йөрешне яңа гына куллана башладылар. Аны "Шәфкать" халыкка социаль ярдәм күрсәтү үзәге уздыра.