Җәмгыять
Республика Президенты Мәскәүгә бара
Ул Россия Президентының Федераль Җыенга Юлламасын илебез башкаласында тыңлаячак.
Әлеге чара көндезге уникедә «Манеж» күргәзмәләр залында үткәреләчәк. Бу хакта республика башлыгының матбугат хезмәте хәбәр итте.
Юлламаны тыңлау тантанасында 1,3 мең кеше катнашачак дип көтелә. Алар арасында Россия Хөкүмәте, Дәүләт Думасы, Россия Федерация Советы вәкилләре, төбәк җитәкчеләре, җәмәгать эшлеклеләре булачак.
Чарадан соң Рөстәм Миңнеханов Татарстанның Россиядәге Тулы вәкаләтле вәкиллегендә «КАМАЗ» машиналары җитештерә торган заводның беренче директоры Лев Васильев белән очрашачак.
Следите за самым важным и интересным в Telegram-каналеТатмедиа
Нет комментариев