Район мәдәният йортында "Батырлык дәресе" үтте

Бүген район мәдәният йортында мәктәп укучылары һәм Сарман аграр көллияте студентлары өчен "Батырлык дәресе" үтте. Анда Татарстан хәрби комиссариатының Сарман һәм Мөслим районнары буенча бүлек җитәкчесе Дашгын Гасанов, Әфган сугышы ветераны полковник Рафаэль Газизуллин, Казан югары хәрби команда училищесы курсанты Ильвар Ильясов чыгыш ясадылар. Сүз Бөек Ватан һәм Әфган сугышлары, хәрби хезмәткә кагылышлы сораулар турында барды. Ахырдан Әфган сугышы турында "Война от первого лица" дип исемләнгән һәм Бөек Ватан сугышы турында документаль фильмнар күрсәтелде.