Район халкы Бөтенроссия "Җиңү диктанты" акциясенә кушылды

.

Бөек Җиңүнең 75 еллыгына багышланган «Җиңү диктанты» акциясен Россия Федерациясенең халык саны 5 меңнән артык булган барлык торак пунктларында үткәрергә дип планлаштырылды.
Кичә Җәлил гимназиясендә диктант акциясе әлеге истәлекле дата, шулай ук ТАССРның – 100, Сарман районының 90 еллыклары уңаеннан котлау тантанасы белән башланды. Аны район башлыгы Фәрит Хөснуллин ачты. “Көннәр, еллар үткән саен, шул аяныч сугыш елларының авырлыгын үз иңнәрендә күтәргән буынның сирәгәя баруына күңел бик борчыла. Әмма без тарихтагы кайгылы көннәрдә көрәшкән кешеләр турында онытырга тиеш түгел. Киләчәк буыннарның якты тормышы өчен үз-үзләрен аямыйча көрәшкәннәргә рәхмәтебез йөрәкләрдә мәңге саклансын иде. Әлеге тарихи хатирәләрне сакларга һәм буыннан-буынга күчерергә тырышыйк”, - диде ул. Соңыннан кадерле кунакларыбызга әлеге олуг юбилейларга атап махсус бастырылган “Сандугачлар моңы булып, Сарман кала хәтердә” дип исемләнгән китап тапшырылды. Беренчеләрдән булып әлеге китап сугыш ветераны, тыл һәм хезмәт ветераны, биология, химия фәннәре укытучысы Гәүһәр Нәбиулла кызы Сөләймановага бүләк ителде. Аңа Җәлил поселогы башлыгы Рәфыйк Кәримов, “Җәлилнефть” идарәсенең профсоюз комитеты рәисе Владимир Филимонов, автор-язучы Рәис Кәлимуллин, корректор Ландыш Шәйдуллина, мәктәп директорлары Гөлшат Идрисова, Айдар Ильдаров, Гөлнара Булатова да лаек булдылар.

Диктант кешеләрне нәкъ менә Бөек Ватан сугышы тарихын өйрәнүгә җәлеп итү, яшь буында тарихи грамоталылыкны һәм патриотик тәрбияне арттыру максатларында уздырылды. Ул тест формасында булды. 45 минут эчендә барлык кеше Бөек Ватан сугышы белән бәйле 25 сорауга җавап бирергә тиеш иде. Диктантны гимназиягә килеп тә, онлайн режимда да язарга мөмкин иде. Ә нәтиҗәләр белән #диктантпобеды сылтамасы белән кереп танышырга була.

Рания Талибуллина язмасы,  фотолары һәм видеолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар