Һәр адымыңны уйла

Дөнья җәмәгатьчелеге 1 нче декабрьне Бөтендөнья СПИДка каршы көрәш көне буларак билгеләп үтә. Районда ВИЧ-инфекциянең беренче очрагы 2000 нче елда теркәлде. Шул вакыттан башлап, 83 кеше исәпкә алынды. Россиядә ВИЧ-инфекция белән авыручылар саны арта бара. Инфекциянең таралуы буенча ил дөньяда 52 нче урында тора. Бу - бөтен халыкның 1,1 проценты...

Дөнья җәмәгатьчелеге 1 нче декабрьне Бөтендөнья СПИДка каршы көрәш көне буларак билгеләп үтә. Районда ВИЧ-инфекциянең беренче очрагы 2000 нче елда теркәлде. Шул вакыттан башлап, 83 кеше исәпкә алынды.
Россиядә ВИЧ-инфекция белән авыручылар саны арта бара. Инфекциянең таралуы буенча ил дөньяда 52 нче урында тора. Бу - бөтен халыкның 1,1 проценты - вирус йөртүчеләр, дигән сүз. Чагыштыру өчен берничә сан: АКШ - 68 нче урында, халкының 0,6 проценты вирус йөртә, Таҗикстан - 87 нче, Кытай - 115 нче, Казахстан - 119 нчы урында.
Бүген Россиядә 682726 ВИЧ-инфекцияле кеше теркәлгән, шуларның 6071е - 15 яшькә кадәрге балалар. 88974 ВИЧлы кеше үлгән, аларның 524е -балалар. СПИД стадиясенә җитеп авыручылар - 18592, СПИДлы балалар - 339. Татарстанда 1987 нче елда теркәлгән беренче очрактан башлап, бүгенгә кадәр 14475 ВИЧ-инфекцияле исәпкә алынган, аларның 901е - башка регионнардан килүчеләр. Вафат булган 2814 кешенең 447се СПИДның соңгы стадиясенә җитеп үлгән. Хәзерге көндә Татарстанда 9323 кеше ВИЧ-инфекция белән исәптә тора. ВИЧ-инфекцияле аналардан 1543 бала туган, шуларның 76сына ВИЧ-инфекция диагнозы куелган.
Районда бүген ВИЧ-инфекцияле 43 кеше яши. Аларның иң яшенә - 24, иң өлкәненә - 51 яшь. ВИЧ-инфекциялеләрнең 17 се - бала табу яшендәге хатын-кызлар. ВИЧ-инфекцияле 19 кеше үлгән. Авыручыларның 70 процентка якыны иммунодефицит вирусын кан тамырына наркотиклар керткәндә йоктырган. Быел ун айда ВИЧ-инфекциянең 3 яңа очрагы исәпкә алынды.
Авыруның таралу юлларын анализлау инфекциянең наркотиклар кулланучылар арасында энәләр һәм шприцлар һәм җенси юл белән йогуын күрсәтә. Әти-әниләр, балаларыгызны наркотиклардан саклагыз: наркотиклар - СПИДка туры юл. Шулай ук хатын-кызлар, тормыш иптәше сайлаганда, сак булсыннар иде, чөнки ир-атлардан инфекция йоктыручы хатын-кызлар саны арта. 30-35 яшьлек ир-атлар арасында чирләү очраклары бигрәк тә артты.
Соңгы елларда авырып китү куркынычы зур булган төркемнәр - наркоманнар, гомосексуаллар, җенси юл инфекцияләре белән авыручыларның ВИЧ-инфекциягә тикшерелүләре кимеде. Бу - исә инфекция йөртүчеләрнең күпмедер өлеше билгесез кала, дигән сүз. Авыручылар санының айсберг кебек - күренмәгән өлешенең күренгәненә караганда күбрәк булуы да ихтимал. Көнбатыш Европа илләрендә һәм Америкада ВИЧ-инфекция кимү юнәлеше алды. Бу - СПИДка каршы җәмәгатьчелек, аерым кешеләр алып бара торган зур эш нәтиҗәсе. Бездә дә, алардагы кебек, нәтиҗәле профилактик чаралар белән эшләүне көчәйтергә кирәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Санап үтелгәннәрнең кайсысы сезне ныграк куркыта? Хөрмәтле сарманлылар, сезне социологик сораштыруда катнашырга чакырабыз. Сезне нәрсә куркыта һәм тормыш дәрәҗәгезне нәрсә төшерергә мөмкин?
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • 24 июнь 2021 - 11:10
    Балалар музейда кунакта
    2021-Татарстан Республикасында Туган телләр һәм халыклар бердәмлеге елында безнең музейда халыклар дуслыгына, аларның милли традицияләренә, туган телебезне үстерүгә юнәлтелгән чаралар еш үткәрелә.
    89
    0
    0