САРМАН
  • Рус Тат
  • Плитәдә онытылып, көеп беткән кәстрүлне тиз генә ничек чистартырга?

    Лимон кәстрүлне дә чистарта, өйдәге янган исне дә бетерә.

    Хуҗабикәләрнең һәрберсенең диярлек гомерендә бер тапкыр булса да өйгә төтен исе чыга башлагач кына искә төшеп, кәстрүл яндырганы бардыр. Киңәшләр сайтында шушы кәстрүлне чистарту ысулы чыкты.

    Лимон бу очракта шәп ярдәмче булыр. Лимон кислотасы кайнап торган су каткан ризыкны чистарта, лимон өйгә таралган янган исне дә бетерә. 

    Ике лимонны үзегез теләгәнчә кисегез, кәстрүл төбенә салыгыз, лимон кисәкләре кәстрүл төбен бөтенләй капларлык булсын.

    Шуның өстенә су салыгыз, лимон кисәкләрен батырырга тырышмагыз, барыбер калкып чыгачаклар. Кәстрүлне утка куегыз. 

    Су кайнап чыккач, бераз ныклап кайнап алсын. Аннары суытыгыз, лимон кисәкләрен алып ташлагыз. Кәстрүлне щетка белән җайлап кына чистартып алыгыз. 

    Кәстрүлне салкын суда чайкагыз, диелә бу хәбәрдә.

    ЧЫГАНАК:http://intertat.tatar/news/questions_answers/18-11-2020/plit-d-onytylyp-k-ep-betk-n-k-str-lne-tiz-gen-nichek-chistartyrga-5785689

    ФОТО:https://pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: