Печәнгә төштегезме әле, дуслар?

Җәй мәшәкатьле ел фасылы булса да, күңелле мизгелләре белән истәлекле. Печән чабу, җиләк-җимеш җыю, гөмбәгә бару, көтүгә чыгу, себерке әзерләү һәм башка бик күп төрле эшләр көтеп торса да, җәй көне рәхәт инде.
Бу араларда табигать та үзенчәлекле. Әле генә яңгыр ява, әле генә яктырып кояш чыга, салават күпере сөендерә. Ә басу-кырларда күкрәп печән өлгерә. Бу видеодагы 100 яшьлек әбинең чалгысы әзер, үзе дә эшкә дәртләнеп тора. Ә сез печәнгә төшәргә әзерме, дуслар?

Альбина Сабирова