Өстәл теннисы буенча районның шәхси Чемпионатында катнашырга була

Ярышлар 17 апрель көнне Сарман гимназиясендә узачак. 9.30 сәгатьтә жирәбә салынып, 10.00дә ярышларга старт биреләчәк. Өстәл теннисы буенча үз сәләтен күрсәтергә Сарман районында туган яки шунда пропискасы булган теләгән һәркем катнаша ала. Үзең белән теннис ракеткасы, шарлар һәм спорт аяк киеме булу шарт. 
Ярышлар өч категориядә оештырылалар: 
- Кызлар һәм хатын-кызлар (яшь роль уйнамый); 
- 40 яшькә кадәр булган егетләр һәм ир-атлар; 
- 40 яшь һәм аннан өлкәнрәк ир-атлар.