Әниләрне котларга “Хуҗа Насретдин” килгән

"Сарман: иң яңа хәбәрләр", 30 ноябрь 2018 - 16:30

1171

Илексаз төп гомуми белем бирү мәктәбендә 29 нчы ноябрьдә “Әниләр көне” уңанннан бәйрәм үткәрелде.

Бу бәйрәмгә укучылар алдан ук әзерләнә башладылар.
Бәйрәм вакытында укучылар ялгыз һәм күмәк номерлар башкардылар, кызыклы скетчлар, “Шалкан” әкиятенең яңача вариантын куйдылар. Иң гаҗәпләндергәне 6 нчы сыйныф укучыларының инглиз телендә уйнаган әкият күренеше булды. Башлангыч сыйныфлар әзерләгән Н.Исәнбәтнең “Хуҗа Насретдин” комедиясе дә һәркемнең күңеленә һуш килде. Әниләр катнашында оештырылган уеннар бәйрәмне тагын да җанландырып җибәрделәр.
Бәйрәм азагында әниләргә укучылар әзерләгән бүләкләр тапшырылды. Әниләр бәйрәменнән һәркем канәгать калды