Нефть чыгару тармагындагы хезмәт династияләре бүләкләнде

Хезмәт һәм сайлаган һөнәргә тугрылык традицияләрен буыннан-буынга тапшыра алган шәхесләрнең исемнәре ТАССРның – 100, Сарман районының 90 еллык тарихына кереп кала. Әлеге гаиләләр лаеклы хөрмәт яулыйлар һәм бердәмлек үрнәге булып торалар.
Нефть чыгару идарәсе тарихында кабатланмас тәҗрибә һәм уңышлы хезмәт юлы үткән династияләр күп. Шулар арасында Кирзеевлар һәм Миндикаевлар да бар. Район һәм республиканың нефть һәм газ сәнәгате үсешенә керткән өлешләре һәм озак еллар нәтиҗәле фидакарь хезмәтләре өчен, аларга “ТАССР төзелүгә – 100 ел” истәлек билгесе тапшырылды.

Альбина Сабирова язмасы һәм фотолары.