Матди ярдәм түләүдә үзгәрешләр бар

Мохтаҗ гражданнарга күрсәтелә торган социаль ярдәм чараларын – балаларга айлык пособиеләр, пенсионерларга юлда транспортта йөрү чыгымнарына айлык түләүләрне адреслы итүне көчәйтү максатыннан, 2019 елның 1 апреленнән әлеге түләүләрне алучыларның керемнәреннән тыш милек белән тәэмин ителешләре дә исәпкә алына башлады.

Милкендә сәнәгать җитештерүе, сәүдә объектлары, ике һәм аннан күбрәк автомобиль (берсенең эшләнеп чыгу елы  3 елдан кимрәк булса), бер кешегә туры килә торган мәйданы 40 квадрат метрдан артыграк булган фатир хуҗалары һәм башкаларга бала пособиесе билгеләнми. Бу шартлар пенсионерларга юлда траспортта йөрү өчен түләүләргә дә кагыла. Шул ук вакытта, ялгыз яшәүче пенсионерның торак мәйданы 80 квадрат метрдан артмый икән, ул бу түләүне алачак.

Пособиеләрне билгеләгәндә исәпкә алына торган милекнең тулы исемлеге белән Хезмәт, мәшгульлек һәм социаль яклау министрлыгының рәсми сайтында (mtsz.tatarstan.ru) танышырга мөмкин. Аларның билгеләнүе яисә билгеләнмәве турында смс-хәбәрләр белән яки ТР Дәүләт һәм муниципаль хезмәтләр порталындагы шәхси кабинет аша хәбәр ителәчәк.

Социаль түләүләргә кагылышлы сорауларга җавапларны Матди ярдәм  үзәгенең райондагы бүлекчәсендә 2-57-32; 2-44-05 (Сарман); 3-19-29 (Җәлил бистәсе) телефоннары аша алырга мөмкин.

Резедә Хаҗиева, Матди ярдәм үзәгенең 37нче бүлекчәсе мөдире.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    188
    0
    0