Әлмәт мәктәбендә юл-патруль хезмәте инспекторлары белән очрашу үтте

Әлмәт авылы мәктбендә юл-патруль хезмәте инспекторлары Рәшит Гәрәев һәм Айрат Хөснетдинов белән очрашу булды. Алар укучыларга юл йөрү кагыйдәләрен исләренә төшерделәр, аларны үтәмәү нинди фажигаларга китерүен аңлаттылар, барлык башлангыч сыйныф укучылары яктырткыч элементлар тагып йөрергә тиешлеген искәрттеләр, укучыларга төрле сораулар бирделәр. Укучылар сорауларга бик теләп җаваплар бирделәр, инспекторларның киңәшләрен тыңладылар, үзләрен кызыксындырган сорауларга җаваплар алдылар. Очрашу бик тирән мәгънәле, файдалы булды. Гади генә юл кагыйдәләрен үтәгән очракта, без күпме юл фажигаләрен булдырмый кала алабыз. Әйдәгез, юлларда сак булыйк!