САРМАН

Сармановский район

Рус Тат
Җәмгыять

“Кышкы каникуллар” профилактик чарасы дәвам итә

Район территориясендә киң масштаблы “Кышкы каникуллар” дигән балалар катнашындагы юл-транспорт имгәнүләрен кисәтүгә юнәлдерелгән чара үткәрелә.

Агымдагы елның 24 декабреннән 2021 елның 10 январенә кадәр Татарстан Республикасы, шул исәптән район территориясендә киң масштаблы “Кышкы каникуллар” дигән балалар катнашындагы юл-транспорт имгәнүләрен кисәтүгә юнәлдерелгән чара үткәрелә.
Быелның 11 аенда юлларда балалар катнашында 431 юл-транспорт фаҗигасе булып, аларда 8 баланың гомере өзелде, 459 бала төрле дәрәҗә имгәнүләр алды. Аеруча балаларны транспортта йөрткәндә килеп чыга торган аварияләр белән хәл киеренке. Әйтик, юлларда быел барлыгы 7 пассажир бала һәлак булды. Шуңа күрә, балаларны йөртү кагыйдәләрен бозу очракларын кисәтү максатыннан, балалар күп була торган урыннарда рейдлар үткәреләчәк. Юл хәрәкәте кагыйдәләрен бозучы яшь җәяүлеләр дә ЮХИДИ инспекторлары игътибарыннан читтә калмаячак. ЮХИДИ инспекторлары белән бергә яшь юл инспекторлары, педагоглар, ата-аналар комитетлары, “Әти-әниләр патруле”, “Әтиләр патруле” кебек инициатив төркемнәрнең, “Россия укучылары хәрәкәте” җәмәгать оешмасы әгъзалары да эшләячәк. Кагыйдәләрне бозу турындагы мәгълүматлар укучыларның уку урыннарына җибәреләчәк. Бу алга таба алар белән профилактик эш алып бару өчен кирәк.
Дәүләт автоинспекциясе юл хәрәкәтендә катнашучыларны юлларда сак булырга чакыра. Бу чорда әти-әниләрнең дә балаларга игътибарлы булулары сорала.
ЮХИДИ бүлекчәсе

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев