Мәдәният
Якташыбыз Гран-прига лаек булды
Җәлил поселогы Мәдәният сараеның культмасса секторы җитәкчесе, Татарстанның атказанган мәдәният хезмәткәре Нәвия Гатиятуллина Уфа шәһәрендә үткәрелгән IX «Сәләт» Бөтенроссия халык иҗаты телевизион фестивалендә «Вокал соло» номинациясендә Гран-прига лаек булды.
– Гала-концерттан соң «Юлдаш» радиотапшырулар редакциясенә чакырдылар. Минем белән әңгәмә үткәрделәр, җырларымны радиодан яңгыраттылар, туры эфир аша радио тыңлаучыларның сорауларына да җаваплар бирдем, кыскасы, бик күп уңай тәэсирләр белән кайттым, – ди ул.
Якташыбызны котлыйбыз һәм киләчәктә дә уңышлар телибез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев