Эшләүче пенсионерларга өстәмә акча түләргә мөмкиннәр

РФ Иҗтимагый палатасы әгъзасы Солтан Хәмзәев фикеренчә, өстәмә акчаның күләме хезмәткә түләүнең минималь күләменә тигез булырга мөмкин.

Covid-19 коронавирус пандемиясе аркасында кертелгән чикләү шартларында эшләүләрен дәвам итүче пенсионерларга өстәмә акча түләргә тәкъдим иттеләр. РФ Иҗтимагый палатасы әгъзасы Солтан Хәмзәев Россия хезмәт һәм социаль яклау министры Антон Котяковка шул хакта хат юллаган. Бу турыда RT телеканалы хәбәр итә.

Үз хатында ул коронавирус инфекциясе йоктыручыларның артуы фонында төбәк хакимиятләренең өлешчә яңа чикләү чаралары кертә башлавын искәрткән.

Әмма эшләүче пенсионерлар җәмәгать транспортыннан файдалануын һәм өйдән эшләү яки үз вазифасын бүтән хезмәткәргә тапшыру мөмкинлеге булмаганлыктан башка гражданнар белән аралашуын дәвам итә.

«Сезнең әлеге төркемгә караган гражданнарга өстәмә финанс ярдәме чаралары кертүнең максатчанлыгын карауны, төгәлрәк әйткәндә, үзләренең хезмәт вазифасын дистанцион рәвештә үти алмаган эшләүче пенсионерларның эш хакына хезмәткә түләүнең минималь күләме кадәр өстәмә акча түләүне күздә тотуыгызны сорыйбыз», - дип белдергән Хәмзәев әлеге уңайдан.

«Татар-информ» агентлыгы элегрәк хәбәр иткәнчә, ТР Сәламәтлек саклау министрлыгы өлкән яшьтәге кешеләрне артык ихтыяҗ булмаганда өйдән чыкмаска чакырган иде.

 Чыганак: https://tatar-inform.tatar/news/business/06-10-2020/rossiyad-chikl-shartlarynda-eshl-che-pensionerlarga-st-m-akcha-t-l-rg-t-k-dim-itel-5776678 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар