САРМАН
  • Рус Тат
  • Депутатлар район башлыгын сайладылар

    .

    Бүген IV чакырылыш район Советының беренче утырышы узды. Ул иң күп стажлы депутат Малик Каюмов рәислегендә башланып китте. Көн тәртибендә район башлыгын, аның урынбасарын сайлау мәсьәләләре каралды.
    Район Советы депутатлары бертавыштан бердәмроссиялеләр хуплаган Сарман 5 санлы бермандатлы сайлау округы депутаты, Сарман авыл җирлеге башлыгы Фәрит Хөснуллинны район башлыгы итеп сайладылар. Гүзәл Гәрәева аның урынбасары итеп сайланды.
    Утырышта Сарман муниципаль районы Башкарма комитеты җитәкчесе вазифаларын башкаруга конкурс игълан итү соравы да каралды.
    Утырыш эшендә “Бердәм Россия” сәяси партиясенең Татарстан региональ бүлекчәсе Секретаре урынбасары Геннадий Глушков, ТР Суд департаменты идарәсе начальнигы урынбасары Рамил Рамазанов катнаштылар.

    Альбина Сабирова язмасы, фотолары һәм видеолары

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: