Бүген – Бөтендөнья Брайль азбукасы көне

Сукырлар һәм начар күрүчеләр тарафыннан Брайль азбукасын куллану бәйсезлек һәм тигезлекнең бер билгесе булып тора.
Инвалидларның хокуклары турындагы конвенциядә әйтелгәнчә, бу азбука сукырлар һәм начар күрүчеләр өчен аралашу чарасы булып тора һәм үз фикереңне белдерү, мәгълүмат алу хокукын тормышка ашыруда әһәмиятле роль уйный.
4 январь – әлеге азбуканы уйлап табучы күренекле француз педагогы Луи Брайльнең туган көне. Ул бармаклар ярдәмендә хәреф, математик, химик, пунктуация символларын һәм ноталарны “укырга” ярдәм итә.
Язманы Зөлфия Шәрипова әзерләде