Авыртса, бүген үк төшә аласыз

Бәйрәм, ял көннәре бик күңелле, матур булса да, сәламәтлек начараеп китү очраклары да була. “Тешемнең пломбасы кителде, бик җайсыз, хастаханә ничек эшли микән?” – дип шалтырата бер танышым.
Район поликлиникасы 6 январь көнне эшли. Бу көнне халыкны терапевт, балалар табибы, хирург, стоматологтан торган дежур бригада, лаборатория, рентген кабинеты, эшкә яраксызлык кәгазе яза торган тәрәзә кабул итәчәк. Ә ашыгыч ярдәм бүлеге барлык көннәрдә дә тәүлек буе хезмәт куячак.
Теш – бик четерекле әйбер бит. Бу хакта район үзәк хастаханәсенең ашыгыч ярдәм бүлегенә җиткердек. “Безгә килсә, теш табибын чакыртабыз”, - диделәр. Димәк, 6 сына кадәр түзә алмасагыз, бүген үк ашыгыч ярдәм бүлегенә мөрәҗәгать итә аласыз, хөрмәтле Н. апа!
Зөлфия Шәрипова язмасы