САРМАН
  • Рус Тат
  • “Аҗаган-2019” район уенчылары өчен җиңүләргә бай булды

    30 апрель көнне Җәлил поселогында үткәрелгән “Аҗаган-2019” хәрби-спорт уеннарында район командасы II урынны алган иде.

    Ул аерым төр ярышларда да үзен яхшы әзерлекле итеп күрсәтте, тагын өч ярышта - Россия тарихына багышланган, сафта йөрү буенча – I, хәрби комплект кию бәйгесендә I урынны яулады. Гомумән, “Аҗаган-2019” җиңүләргә бай булды. Команда уенчылары шәхси беренчелекләр буенча да сынатмадылар. Даниял Минкаһиров 60 метрга йөгерүдә – I, Рәмзил Сабирҗанов – II, Айнур Бәшәров III урынны яуладылар. Даниял йөзүдә дә иң җитезләрдән берсе итеп танытты - мактаулы II урынны яулауга иреште. Бу төр ярышта Илиза Сафиуллина исә – I, Юлия Попова II урынны алдылар. Илиза 1 километрга йөгерүдә дә беренчелекне бирмәде, ә идәннән күтәрелү кебек көч гимнастикасында II урынны яулады. Ә турникта күтәрелү буенча Рәмзил Сабирҗанов – I, Артур Сафиуллин - II урында. Уенчыларыбыз автомат макетын җыюда да иң осталары булып чыкты. Артур Бәшәров – I, Артур Сафиуллин – II, Айнур Бәшәров III урынны яуладылар.
    Зөлфия Шәрипова язмасы һәм фотосы.

    Нравится
    Поделиться:
    Реклама
    Комментарии (0)
    Осталось символов: