Ышан, әмма тикшер

Бу - дәүләт куркынычсызлыгын тәэмин итү белән бәйле мәсьәләләрне һәрвакыт, һәрдаим хәл итеп килүче батыр, тәвәккәл кешеләр бәйрәме. Бүгенге көндә куркынычсызлык хезмәте - дәүләтнең федераль структурасы: ул турыдан-туры Президентка буйсына. ФСБ хезмәткәрләренең девизы: «Дәүләт, законлылык һәм намус». Алар аерым затларга түгел, ә законга хезмәт итәләр. Патриотизм, шәхеснең, җәмгыять, дәүләтнең мәнфәгатен...

Бу - дәүләт куркынычсызлыгын тәэмин итү белән бәйле мәсьәләләрне һәрвакыт, һәрдаим хәл итеп килүче батыр, тәвәккәл кешеләр бәйрәме.
Бүгенге көндә куркынычсызлык хезмәте - дәүләтнең федераль структурасы: ул турыдан-туры Президентка буйсына. ФСБ хезмәткәрләренең девизы: «Дәүләт, законлылык һәм намус». Алар аерым затларга түгел, ә законга хезмәт итәләр. Патриотизм, шәхеснең, җәмгыять, дәүләтнең мәнфәгатен яклау дигән төшенчәләр алар өчен буш сүзләр була алмый. Бу кешеләр дан, ниндидер бүләкләр өчен түгел, ә югары идеяләр, дәүләт куркынычсызлыгы, гражданнарның иминлеге, тынычлыгы өчен хезмәт итә. Әлеге структура вәкилләренең ничек эшләүләрен күзаллау өчен, исемен Казанның бер урамы йөрткән, ТАССР Министрлар Советы каршындагы КГБның Зәй бүлеген ачу турында фәрман биргән олы шәхес - Абдулла Хәлил Бичурин биографиясенә күз төшерү кирәктер.
Абдулла ачлык еллары авырлыкларын кичерә, 12 яшьтән эшли башлый. Белем алуга хирыс егет комсомолга керә, Мәскәү техникумында металлург һөнәренә укый. Аннан соң А.Бичуринны Магнитогорск шәһәре комбинатына эшкә җибәрәләр. 1933 нче елда армиягә алынып, ул НКВД гаскәрләре полкында хезмәт итә. 1959 нчы елда Татарстан КГБсы председателе урынбасары була, ә 1961 нче елдан әлеге комитетның җитәкчесе итеп куела. Сугыштан соңгы елларда республикада нефть чыгарылу, нефть-химия объектлары, яңа оборона техникасы төзелү, фәннең алга китүе чит илләрнең спецслужбалары эшчәнлеген дә активлаштыра. А.Бичурин җитәкчелегендәге комитет аларга каршы нәтиҗәле эш алып бара. Чаллыда автомобиль заводы төзелү еллары республика чекистлары өчен олы сынау була. Бу чорда да, Зәй ГРЭСына нигез салынганда да, Абдулла Хәлиловичның контрразведкачылык таланты нык күренә. Эш күләме арту КГБга өстәмә кадрлар кирәклекне таләп итә. 1974 нче елның 18 апрелендә комитетның Зәй бүлеге ачыла. Бүгенге көндә ул Татарстан Республикасы буенча РФ федераль куркынычсызлык хезмәте идарәсенең Зәй бүлеге дип йөртелә. Хезмәткәрләрнең бурычлары иминлекне тәэмин итү белән генә чикләнми, алар террорчылык, оешкан җинаятьчел күренешләргә, ришвәтчелеккә, наркотиклар контрабандасына каршы да көрәшәләр, мәгълүмати куркынычсызлык булдыру, ил чикләрен саклау да - әлеге бүлектәгеләрнең бурычы. Узган айда Зәй бүлеге хезмәткәрләре, террорга каршы өйрәнүләрдә катнашып, югары һөнәри осталык үрнәкләре күрсәттеләр.
ФСБда хезмәт итү - мактаулы һәм ышанычлы эш. Дәүләт бу тармак хезмәткәрләре турында даими кайгырта, аларның эш, яшәү шартларын яхшырта. Ләкин шуны истә тотарга кирәк: хезмәткә бары нык белемлеләр, физик яктан көчле-таза егетләр алына. Вакытлар узу белән, аларның күбесе, халыкның, дәүләтнең, милли кыйммәтләр, җәмгыятьнең мәнфәгатьләрен яклап-саклап, үз чорларының чын геройларына әйләнәләр. Һөнәри бәйрәмебез уңаеннан, бу тармакта хезмәт иткән ветераннарны, аларның гаиләләрен, личный составны чын күңелдән котлыйм, аларга имин-тыныч көннәр, бәхет-шатлык телим.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов:
  • 6 сентября 2021 - 14:50
    В Александровской школе для 6 первоклассников
  • 22 июля 2021 - 16:25
    На что тратится пенсия в сельских районах Татарстана?
  • Сармановцы приняли участие в заседании Общественного совета нефтяников
  • Сармановская молодежь разрабатывает стратегии развития молодежной политики
  • В Сарманово отпраздновали День семьи, любви и верности
  • Сармановская ЦРБ стала победителем зональной Спартакиады
  • Презентация книги А.Габиди «Күлдәвектә кояш көлә»
  • Районның "Егет солтаны" Вилдан Юнысов Әлмәттә яши
  • В Джалильской СОШ №2 прошло агитационное мероприятие «Я шагаю по улице»
  • В Сарманово прошла сельскохозяйственная ярмарка
  • 9 мая. Поздравление ветеранов в Сарманово
  • В Сарманово прошёл фестиваль креативных санок "Санифест2020"
Реклама