Татарстанда социаль-икътисади үсеш буенча алдынгы районнар исемлеге билгеле

Татарстанның шәһәр округлары һәм муниципаль районнары социаль-икътисади үсешенең айлык рейтингында Казан, Әлмәт һәм Лаеш районнары алдынгы булды.

2018 елның шушы ук вакыты белән чагыштырганда, аларның урыннары үзгәрмәгән. Документны Татарстанның Икътисад министрлыгы әзерләгән.
Казан һәм нефть башкаласы Әлмәттән тыш, шәһәрләре булган районнар һәм шәһәр округлары арасында Түбән Кама районы да алдынгылар рәтенә кергән.
Шәһәр һәм авыл халкы булган алдынгы районнар арасында Лаештан тыш, Сарман һәм Менделеевск районнары да бар. Авыл халкы булган муниципаль берәмлекләр арасында иң яхшы нәтиҗәләрне Тукай, Яңа Чишмә һәм Югары Ослан районнары күрсәткән.
“Спас һәм Теләче районнары рейтингта үз урыннарын шактый яхшырткан: беренчесе ун, ә икенчесе сигез урынга өскә күтәрелгән. Бу районнарда эшсезлек теркәлү очраклары кимегән һәм кулланылышка тапшырылган торак йортларның гомуми мәйданы арткан”, - дип аңлаттылар Икътисад министрлыгының матбугат хезмәтендә.
2019 елның дүрт ае эчендә Татарстанда бер кешегә гомуми мәйданы 0,2 квадрат метр күләмендә торак кулланылышка кертелгән. Бу күрсәткеч буенча иң яхшылар рәтенә Питрәч (2,4 кв. метр), Лаеш (1,2 кв. метр) һәм Тукай (1 кв. метр) районнары чыккан.
Икътисад министрлыгы хисаплары буенча, Татарстаннан озатылган продукция күләме бер кешегә 239 мең сум туры килә. Бу күрсәткечләр буенча иң югары нәтиҗәләр Әлмәт (1,6 млн), Түбән Кама (670,8 мең) һәм Яңа Чишмә (546,6 мең) районнарында булган.

https://tatar-inform.tatar/news/2019/06/05/187569/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    331
    0
    0