Сакчы ир-ат Ялта комлыгында ял итүчеләрне чыбыркы белән куган +ВИДЕО

Үз эше белән шулкадәр мавыгып киткән сакчы видео төшерүче хатынның смартфонын бәреп аткан.

Кырымның көньяк ярында урнашкан Форос комлыгында җәнҗаллы вакыйга булган. Форос пляжы Ялта составына керә. Комлыкта ял итүче хатын-кыз шифаханә сакчысы белән җәнҗал турында зарланып, социаль челтәрләрдә язган. «Вести» каналы шул хакта хәбәр итте.

Хатын-кыз сүзләренчә, ул соңгы алты ел дәвамында даими рәвештә Форос комлыгына ял итәргә килә. Комлык «Форос» шифаханәсе тирәсендә урнашкан. Быел бу хатын шифаханә сакчысыннан зарлана. Имеш, бу сакчы ял итүчеләрне диңгез буена якын җибәрми. 

«Соңрак ачыкланганча, комлык ниндидер могҗизалы ысул белән генә „Форос“ шифаханәсенең дәвалау пляжына әверелгән. Хәзер бу комлыкта ял итү өчен шифаханәгә урнашырга кирәк», — дип яза ролик авторы.

Видео кадрларыннан күренгәнчә, шифаханә сакчысы үз эше белән шулкадәр мавыгып киткән, ул ял итүчеләрне чыбыркы белән куркыта тотынган. Видеоны төшерүче хатынның иренә сакчы чыбыркысы эләгә язган. Шуннан соң сакчы «оператор» хатынга да кизәнә, аның кулындагы смартфонны сугып төшерә.

Бу вакытта биредә ир белән хатынның дүрт яшьлек баласы да була. Ул әти-әнисе белән диңгезгә ял итәргә килгән булган, диелә хәбәрдә.

Подробнее: https://intertat.tatar/news/incident/02-08-2020/sakchy-ir-at-yalta-komlygynda-yal-it-chel-rne-chybyrky-bel-n-kugan-5760675

ФОТО:https://pixabay.com 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша