Район беренчеләренә беренче тапкыр кыңгырау шалтырады

Кеше тормышында истәлекле вакыйгалар күп.

Шуларның берсе, мөгаен, беренче тапкыр мәктәпкә барудыр. Бүген районыбызның барлык мәктәпләрендә дә беренче кыңгырау чыңлады. Тәүге тапкыр мәктәп бусагасын атлап кергән нәниләр өчен ул тормышларындагы иң беренчесе булды. Ак алъяпкычлар япкан, күбәләктәй бантлы кызлар, егетләрчә киенгән малайлар, кулларына чәчәк бәйләмнәре тотып, беренче тапкыр белем аласы мәктәпләренә килделәр, укытучылары белән таныштылар. Алар өчен парталар да, класс тактасы да, мәктәп коридорлары да – барысы да әлегә яңа һәм кызыклы.
Сарман урта мәктәбендә үткән тантана да укучылар, әти-әниләр күңеленә матур мизгелләре белән кереп калачак. 1, 9, 11 сыйныфлар өчен ул аеруча истәлекле. Быел мәктәпкә 41 бала укырга керә. Яңа уку елы башлану белән иң элек мәктәп директоры Гөлназ Сабирҗанова тәбрикләде. Район Советы аппараты җитәкчесе Фәндәс Вәлиев, мәгариф бүлеге начальнигы урынбасары Ришат Хуҗин да изге теләкләрен җиткерделәр. Җырлар да бүген үзгә яңгырады. Дулкынландыргыч мизгелләр шаукымында яңа уку елына старт бирелде. Унберенчеләр беренче сыйныфка керүчеләргә белем ачкычын тапшырдылар, тырышып укырга, акыллы һәм сәламәт булуларын теләделәр. Кечкенәләр дә, үз чиратларында, мәктәпне, укытучыларны яратырга, сынатмаска сүз бирделәр.

Альбина Сабирова

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар