Нөркәйлеләр яңа сәхнә костюмнары алачаклар

30 августта Татарстан Республикасы көне уңаеннан үткәрелгән «Уйнагыз, гармуннар!» - «Играй, гармонь!» Республика фестивалендә Зур Нөркәй авылы мәдәният йортының Илһамия Кутусова җитәкчелегендәге «Зөбәрҗәт» халык фольклор коллективы да чыгыш ясады һәм Лауреат исеменә лаек булды. «Татар халкының милли үзенчәлеген саклау» Татарстан Республикасы дәүләт программасы кысаларында, иҗат коллективына Татарстан Рәисе Рөстәм Миңнехановның бүләк сертификаты тапшырылды. Ул сәхнә костюмнары тегү өчен файдаланылачак.