РФ мәдәният министры урынбасары: Татарстан – мәдәниятнең барлык тармаклары буенча төп төбәкләрнең берсе

Бүгенге көндә Татарстан Республикасы илдә барлык тармак күрсәткечләре буенча алдынгы урында бара, дип билгеләп үтте йомгаклау коллегиясендә Ольга Ярилова.

Республикада мәдәнияткә берләштерелгән бюджет чыгымнары соңгы биш елда биш тапкыр артты. Мәдәният тармагын финанслау бер кешегә 3,5 мең сумнан артып китә. “Бу ил буенча уртача күрсәткечтән 18 процентка диярлек артык, - диде спикер. – Мин сездән монда да пилот мәйданчыгы булуыгызны һәм тармакка тоталь ревизия үткәрүегезне, гамәлдәге норматив һәм нормаларга үзгәрешләр кертү буенча тәкъдимнәр ясавыгызны сорар идем”.
Алга таба ул болай дип өстәде: “Татарстан “Мәдәният” милли проекты буенча планны арттырып үтәде. Бу – ил буенча иң яхшы күрсәткечләрнең берсе”.
Бүгенге көндә саннар мәдәният учреждениеләренә баруларның 20 миллионнан артып китүен күрсәтә. “Бер кешегә туры килгән мәдәният учреждениесенә бару турында әйтсәк, ул Татарстанда гомумроссия күрсәткеченнән 27 процентка артып китә”, - дип өстәде ул. Республикада һәр кеше ел дәвамында мәдәният учреждениесенә якынча алты тапкыр бара икән.
2019 ел нәтиҗәләре буенча, республика - иҗади чаралар, гастрольләр, фестивальләр үткәрү буенча алдынгы урында. Ул музей проектлары буенча да алда бара һәм ил күләмендә музейларга йөрү буенча 3 нче урында тора икән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 март 2021 - 14:07
    Фирдүс Тямаев Сарайлы авылына кабат кайтачак
  • 4 февраль 2021 - 13:50
    Фирдүс Тямаевтан - «Татарлар» җыры
  • Сез чүп-чарны сортларга бүләсезме? .
    6 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.