Гомерне ничек озайтырга: сарманлыларга 10 киңәш

Шушы гади генә кагыйдәләрне үтәсәң, гомерне кимендә 10-15 елга озайтырга мөмкин, ди белгечләр.

1.​ Күбрәк чөгендер ашагыз.

Чөгендер югары кан басымына каршы көрәшә. Ә статистика буенча, гипертония – инфаркт һәм йөрәк-кан тамырлары авыруларының иң төп сәбәпчесе.

2.​ Телевизор турында онытыгыз.

Тикшеренүләр күрсәткәнчә, кеше үз гомеренең 10-15 елын телевизор каршында үткәрә икән! Ә бит бу вакытны күпкә файдалырак та итеп үткәрергә була.

3.​ Баллыны күп ашамагыз.

Кәнфит һәм тортларның организмга бер файдасы да юк, ә менә зыяны шактый. Баллы яратсагыз, кипкән җиләк-җимеш, бал, бер дә булмаганда шикәр аз кушылган печенье ашарга була.

 

4.​ Яраткан кешегезне ешрак кочаклагыз.

Америка галимнәре ачыклаганча, яраткан кешең белән кимендә 30 секунт кочаклашып тору организмда стресс гормоннарын киметә һәм кан басымын төшерә.

5.​ Тозны чикләгез.

Сәламәт кеше көнгә 4-15 грамм тоз ашарга тиеш. Шуннан артып китсә, йөрәк-кан тамыры системасына авырлык килә. Чипсы, тозлы чикләвек һәм сохарида тоз 15 граммнан күпкә артыграк.

 

6.​ Кояш ванналары кабул итегез.

Кояш нурлары D витамины эшләп чыгара. Ә бу витамин күпчелек бактерияләрне үтерә, депрессиягә каршы көрәшә, йөрәк-кан тамыры системасы чирләреннән саклый.

 

7.​ Яшелчә һәм җиләк-җимеш ашагыз.

Көнгә 2-3 телем яшелчә һәм җиләк-җимеш ашап кую организм өчен бик файдалы.

8.​ Сәламәт яшәү рәвеше алып барыгыз.

Америка галимнәре гомерне якынча 14 елга озайтуның серен ачкан. Моның өчен даими рәвештә физик күнегүләр ясарга, тәмәке тартмаска, эчмәскә һәм күбрәк яшелчә, җиләк-җимеш ашарга.

9.​ Саф һавада ешрак йөрегез.

Көнгә кимендә 10 мең адым ясарга кирәк. Бу йөрәк-кан тамыры системасын тәртиптә тоту өчен кирәк. Өстәвенә, артык авырлыкка каршы да яхшы чара.+

10.​  Ешрак көлегез.

Елмаю, көлү, яхшы кәеф гомерне озайта – монысы инде күптән дәлилләнгән факт.

Фото:https://pixabay.com/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте