Районда иң яхшы Коръән укучылар ачыкланды
Кичә – 12 февраль көнне район үзәгендәге “Җәмигъ” мәчетендә район үзәге һәм авыллары мәчетләре каршындагы мәдрәсәләрдә көндезге якта дин гыйлеме алучы өлкән яшьтәге хатын-кызлар арасында районкүләм Коръән уку бәйгесе үткәрелде. Анда барлыгы 44 кеше катнашты.
Аларны “Тәуфыйк” мәчете имам-хатыйбы Илнур хәзрәт сәламләде, уңышлар теләде.
Укуларны мөгаллимәләр Кадимә, Әлфия, Фатыйма һәм Коръән-хафиз Гөлчәчәк ханымнардан торган мәртәбәле жюри бәяләде.
I урынны – Галия Әхмәтова (Илексаз), II урынны – Нурзия Латыйпова (Рангазар), III урынны Лилия Тимербаева (Әлмәт авылы) яулады. Ә Коръән укучылар арасында иң өлкәне Зур Нөркәйдән Люция Абдуллина (79 яшь) булды.
Зөлфия Шәрипова язмасы, фотолар – “Тәуфыйк” мәчете архивыннан
Следите за самым важным и интересным в Telegram-каналеТатмедиа
Нет комментариев