Лейкозлы сыерны сәламәткә алмаштырсаң, акча бирәләр

Узган ел ахырында районнарда авылда яшәүчеләрнең эш активлыгын арттыруга багышлап үткәрелгән семинарларның берсендә авыл хуҗалыгы һәм азык-төлек министры Марат Әхмәтов шушы теманы күтәргән һәм, тиешле карар чыгарылып, ярдәм өчен ничек тә акча табарга тырышачакларын белдергән иде. Бу уңайдан карар чыккан инде. Аның нигезендә, лейкоз белән авырган сыерын тапшырган һәм тана сатып алган кешеләргә субсидия биреләчәк. Ул, тана республика эчендә алынса - 10 мең сум, чит республикадан сатып алганда, 30 мең сум тәшкил итәчәк. Районда лейкозлы сыерлар күп түгел, әмма аларны тапшырып бетерү таләп ителә.