Районда комбайннар парады узды

Бүген районда 2019 ел уңышын җыеп алуда катнашачак техникаларның әзерлеге тикшерелде – комбайннар парады узды.

Шунысын да әйтергә кирәк, әлеге чара безнең районда республикада беренчесе булды. Техникаларның торышы “Агрокөч-Сервис” җәмгыятенең ремонт сыйфатын контрольләү һәм эксплуатацияләү бүлеге начальнигы Фәрит Хәкимов рәислегендәге комиссия тарафыннан бәяләнде. Комиссиягә “Агрокөч” җәмгыятенең баш агрономы Рөстәм Хәбибрахманов, район авыл хуҗалыгы һәм азык-төлек идарәсе начальнигы Альберт Шәрипов, идарәнең, агрофирмаларның белгечләре һәм башкалар кертелгән иде. Тикшерүләр барышын муниципаль район башлыгы Фәрит Хөснуллин да күзәтте. Комиссия исә һәр комбайнны кабызып эшләтеп карады. Алар герметиклыкка да тикшерелделәр. Шулай ук үзйөрешле чапкычлар, бортлары биегәйтелгән автотранспортның әзерлеге дә исәпкә алынды. Механизаторлар белән тәэмин ителеш, хезмәтне саклау чаралары, урак барышының сыйфатын тикшерү комиссиясе булдырылу, кыскасы, урып-җыюга бәйле һәрнәрсә тикшерелде. Нәтиҗәдә, 50 мөмкинлектән 50 балл җыеп, “Җәлил” агрофирмасы беренче урынга лаек булды. 49 балл җыйган “Нөркәй” һәм “Сарман” агрофирмаларына икенче урын бирелде.
Игеннәр матур күренә, басулар мул уңыш вәгъдә итәләр. Аны түкми-чәчми җыеп алып, узган елдагыдай, тулаем җыем буенча республикада беренчелекне алырга язсын район игенчеләренә. 

Энҗимә Габдрәхимова язмасы һәм фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 май 2022 - 08:53
    Сарман ярминкәсеннән репортаж
  • 6 май 2022 - 08:47
    Күренекле мәгърифәтче Морад Рәмзине туган авылында искә алдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?
  • Матурлыкка гашыйк остабикә
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр