Бу атнада Татарстанда кош гриппы буенча карантин гамәлдән чыга

Кош гриппы республиканың 6 районында 24 шәхси ярдәмче хуҗалыкта ачыкланган иде.

Татарстанда кош гриппы буенча карантин гамәлдән чыга. Бу хакта бүген Татарстанның Министрлар Кабинетында узган брифингта ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте.

Аның әйтүенчә, карантин игълан иткәч, авыруның яңа очраклары теркәлмәгән. Ягъни, 25 июльдән соң бүтән яңа фактлар булмаган. Кош гриппы быел 6 районда 16 торак пунктта 24 шәхси ярдәмче хуҗалыкта ачыкланды.

ТР Министрлар Кабинеты Баш ветеринария идарәсенең эпизоотиягә каршы эшчәнлек бүлеге җитәкчесе Александр Козлов “Татар-информ” хәбәрчесенә биргән интервьюда кош гриппының узган елга кадәр Татарстанда беркайчан теркәлгәне булмаганын әйткән иде. “2004 елда авыруның таралуын көткән идек, булмады. Дөньяда кош гриппы теркәлүче илләр арта. Үсешнең сәбәбе дә аңлашылмый. Күчмә кошлар гел булган бит, бер караганда. Бу чир, кагыйдә буларак, күчмә кошлар аркылы күчә. Соңгы ике елда Россиядә дә күп кенә төбәкләр зыян күрә. Узган елда Татарстанда 9 торак пунктта табылган иде. Лаешта 500 мең баштан артык кошны юкка чыгарырга туры килде. Быел чир 6 районда, 24 шәхси ярдәмче хуҗалыкта 16 торак пунктта ачыкланды. Шәхси хуҗалыклардагы 1035 баш кошны юкка чыгарырга мәҗбүр булдык. 25 июльдән яңа очраклар теркәлгәне булмады. Шуның белән инфекциядән котылуга таба барабыздыр дип уйлыйбыз”, - дигән иде.

  • Кош гриппы буенча карантин кертү турында ТР Президенты Указы 21 июльдә чыккан иде. 
  • Фото: архив/Салават Камалетдинов.

 

 Чыганак: https://tatar-inform.tatar/news/2018/08/14/169658/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде
  • 5 март 2021 - 14:32
    Зөбәрҗәт туйга килеп җиткәннәр
    Зөбәрҗәт туйга иң бәхетлеләр – кыенлыкларга бирешмәүче, мәхәббәт хисен еллар агышында, тормыш юлында очраган давылларда саклап кала алучылар гына килеп җитә алалардыр.
    364
    0
    0