Сарман егете Илмир Саматовның җырлаганын ишеткәнегез бармы?

Ишетмәгән булсагыз, тыңлагыз, хөрмәтле дуслар. Ул Гүзәл Уразова оештырган бәйгедә катнаша. Анда җиңүче 13 февраль көнне зур сәхнәдә җырчының үзе белән дуэт башкарачак.

Җыр-моңга гашыйклыгы Илмирга әтисеннән күчкәндер. Оста гармунчы, җырчы, мәдәният хезмәткәре Фәнис Саматовны сарманлылар яхшы хәтерлидер. Илмир бүгенге көндә Казанда яши, гаиләле, тормыш иптәше белән бер кыз үстерәләр. Яраткан шөгыле – җыр, гитарада уйнау, спорт белән дә мавыга. Тормыш девизы: “Сәламәт яшәүнең төп нигезе – дөрес туклану”. Шуңа бу юнәлеш буенча консультацияләр дә бирә ала. Сәламәтлеккә игътибары, мөгаен, әнисе Рузилә тәрбияседер.
- Дөрес туклану турыдан-туры сәламәтлеккә, яшәешкә зур йогынты ясый. Башкаларга да шуны киңәш итәм. Яшәгән гомеремдә әйләнә-тирәдәгеләргә гел яхшылык кына кылып, файдалы һәм кирәкле булып, Аллаһы Тәгалә кушканча яши алсам иде, - дип тели.
Кичә Илмир туган көнен дә билгеләп үтте. Без аны истәлекле көне белән тәбрик итәбез, гаилә бәхете, сәламәтлек һәм иҗат уңышлары телибез.

Альбина Сабирова язмасы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: