Чәчегез коелмыймы?

Чәч коелса, икегә ярылса, буяганнан соң зарарланса, түбәндәге маска бик файдалы. Берәр аш кашыгы бал, алма уксусы, алоэ согы, тигәнәк мае, 1 йомырка сарысы, 1 чәй калагы шампунь алыгыз. Әгәр чәч озынрак булса, һәркайсын икешәр өлеш алырга кирәк. Барысын бергә яхшылап бутагыз. Масканы кулланыр алдыннан, чәчегезне юыгыз, бераз дымлы булып калганчы киптереп, аннан соң масканы сөртегез һәм полиэтилен пакет киеп, 30 минут тотыгыз. Соңыннан чәчне яхшылап юарга кирәк. Бу масканы атнага бер ясау әйбәт. Чәчегезне тиешле нәтиҗәгә ирешкәнче дәвалагыз.