Сарманда Рәзинә апа Нуруллинага 90 яшь тулды

--, 24 август 2016 - 14:00
541
0
0

Сарман авылында гомер кичерүче Нуруллина Рәзинә Хәйрулла кызы бүген үзенең олуг юбилеен каршылады. Аңа 90 яшь тулды. Ветеранны гомер бәйрәме белән район башлыгы Фәрит Хөснуллин тәбрикләде, иң изге теләкләр белән, истәлек бүләге, Рәсәй Президенты Владимир Путинның Котлау хатын тапшырды. "Шәфкать" халыкка социаль хезмәт күрсәтү үзәге директоры Гөлнара Хуҗина, Сарман авыл җирлеге башкарма комитеты җитәкчесе урынбасары Дамира Сәрварова да юбилярга озын гомер, ныклы сәламәтлек, җан тынычлыгы теләделәр.

- Аллага шөкер, мәшәкатьсез гомер кичерәм. Балалар, оныклар һәрвакыт хәлемне белеп, ярдәм итеп торалар. Бүгенге тормышлар рәхәт. Сугыш чорындагы авырлыкларны, ачлыкларны хәзер искә дә төшерәсе килми. Шулай да вакыт-вакыт хәтердә яңарып, күңелне яралап торалар. Өлкәннәр белән беррәттән хезмәт куйдык, бер эштән калмадык, - дип, хәзерге заманнардан үткәннәрне дә барлап алды ветеран.

Рәзинә апа ишле гаиләдә үсә. 7 нче классны бетергән елны сугыш чыга, укуын дәвам итәргә мөмкинлек булмый. Колхозга ярдәм итәргә кирәк була. Бер эштән дә читтә калмый ул. Сугыш беткән көннең шатлыклы мизгелләрен дулкынланып искә алды ветеран. 9 кыз, бер малайның, кызганычка каршы, бүгенге көндә өчесе генә исән. Бәйрәм көнендә шатлыгын уртаклашырга Казаннан бертуган сеңлесе Гөлнәзирә апа, җизнәсе, икетуганы Нурдидә апа кайтканнар иде.

- Бик зиһенле безнең әни, безне барлап кына тора. Элек кул эшләре дә тотты, бәйләде, чикте, текте. Аның бәйләгән кофталарын озак еллар яратып кидек, - дип, сүзгә кушылды килене Фәйрүзә.

Тормыш иптәше Рифкать белән 38 ел тату гомер кичергәннәр. Бер ул, бер кыз үстергәннәр. Инде оныклар куанычы белән яши Рәзинә апа. Киләчәк тормышы да кадер-хөрмәттә, бәхетле картлык кичереп үтсен иде.

Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша