Иске Минзәләбашта Миннеәсма апа Кызрачевага 90 яшь тулды

--, 18 август 2016 - 08:56
488
0
0

Иске Минзәләбаш авылында гомер кичерүче Кызрачева Миннеәсма Гариф кызына бүген 90 яшь тулды. Олуг юбилее белән аны муниципаль район Советы аппараты җитәкчесе Фәндәс Вәлиев тәбрикләде. Ул Рәсәй Президенты Владимир Путинның Котлау хатын һәм район башлыгы Фәрит Хөснуллинның истәлек бүләген тапшырды, ветеранга озын гомер, ныклы сәламәтлек, киләчәктә дә бәхетле картлык теләде. Авыл җирлеге башлыгы Әлфинур Мияссарова юбилярга изге теләкләр белән иңнәренә ап-ак шәл япты, күчтәнәчләрен тапшырды.

Җор телле, киң күңелле Миннеәсма апаның яшәгән йорты да нур чәчеп тора. Янәшәсендә шатлыгын уртаклашырга дип кайткан кызлары, киленнәре йөгереп йөриләр. Бу тормышта авырлыкларны күп күрсә дә, күңел матурлыгын саклап калган ул. Шул асыл сыйфатларны уллары-кызларында да тәрбияли алган. Ике кыз, өч ул, 13 онык, 17 оныкчык бергә җыелгач, төп нигездә бәйрәм кебек була. Булганына шөкерана кылып, бүгенге тормышның матурлыгына сокланып яши ул. Телевизорын карый, гәҗит-җурналын укый, әле дә булса йонын эрләп, носки-бияләен бәйли. Күз тимәсен әле үзенә, СөбханАлла. Озак еллар сәламәт булып, балалар, оныклар куанычында рәхәт гомер кичерсен. Үзен хөрмәт итеп килгән кунакларга рәхмәт әйтеп, такмаклар әйтә-әйтә, озатып калды ул.

Тулырак язманы газетабызның алдагы саннарыннан укыгыз.

Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша