Шәфкатьлерәк булыйк, кешеләр!

--, 25 гыйнвар 2012 - 13:09
734
0
0

Үткән ел район балалар китапханәсе каршында физик мөмкинлекләре чикләнгән балалар белән эшләү өчен «Белый журавлик надежды»-«Ак торна өмете» дигән клуб оештырылган иде. Узган җомгада Сарман сәнгать мәктәбендә әлеге клубка йөрүче балаларның очрашуы үткәрелде.
Ул район балалар китапханәсе коллективы тырышлыгы белән әзерләнгән әдәби-музыкаль кичә рәвешендә уздырылды. Кичәнең исеме үк үзенә җәлеп итәрлек иде: «Шәфкать һәр заманга кирәк, шәфкатьлерәк булыйк, кешеләр!»
Очрашу район балалар китапханәсе мөдире С.Сәетгәрәеваның халкыбыз җәүһәрләренең матур үрнәге - шәфкатьлелек, кешелеклелек кебек иң изге сыйфатларга дан җырлаучы «Өч кыз» әкиятен сөйләве белән башланып китте. Соңыннан алып баручылар - балалар китапханәсе хезмәткәрләре Эльза Кәримова һәм Алсу Нариманова сүзне балаларга бирделәр. Сарман гимназиясенең Алсу Нәфыйкова җитәкчелегендә 4 А классы укучыларының чыгышлары очрашуга олы ямь өстәде. Көчле рухлы, тормышны яратуы белән күпләргә үрнәк булырлык Раушан Солтанов, үзе шигырьләр язучы Булат Минһаҗев (рәсемдә) башкаруындагы шигырьләрне һәркем яратып тыңлады. Алинә Латыйпова, Фирүзә Нуриева (рәсемдә), укучыларның күмәк «Ковбой» биюләре, Чулпан Ситдыйкова, Фирүзә Нуриеваның җырлары алкышларга күмелде. Китапханә хезмәткәре Раилә Гыйләҗева башкаруында яңгыраган «Кешеләрдән гел яхшылык эзлим» шигыре дә очрашуның эчтәлегенә аваздаш иде.
Соңыннан очрашуны оештыручылар һәр балага бүләкләр тараттылар. Аларны «Җәлилнефть» идарәсе җитәкчесе Малик Каюмов, «Сарман-ит» җитештерү комбинаты җитәкчесе Илдар Зәйнуллин, шәхси эшмәкәрләр Ленар Халиков, Ганҗә Газизова, Резидә Нәфыйкованың зур матди ярдәмнәре белән әзерләнгән. Мәдәният бүлеге мөдире Гөлназ Латыйпова аларга, физик мөмкинлекләре чикләнгән балаларга матур бәйрәм оештыручыларга, чыгышлары белән балаларны сөендергән Сарман гимназиясе укучыларына рәхмәт белдерде, уңышлар, иминлек теләде.

Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Санап үтелгәннәрнең кайсысы сезне ныграк куркыта? Хөрмәтле сарманлылар, сезне социологик сораштыруда катнашырга чакырабыз. Сезне нәрсә куркыта һәм тормыш дәрәҗәгезне нәрсә төшерергә мөмкин?
    8 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте