Иске Имән авылында Фатыйма әбигә 90 яшь тулды

Иске Имән авылында яшәүче Гайнемова Фатыйма Хәлиулла кызына 4 октябрьдә 90 яшь тулды. Аны котларга муниципаль район башлыгы урынбасары Гүзәл Гәрәева, ЗАГС бүлеге җитәкчесе Гөлчәчәк Вәлишина, халыкны социаль яклау идарәсе начальнигы Салават Фәретдинов, Иске Имән авыл җирлеге башлыгы Раушания Исламова, якыннары-туганнары килгән иде.

Фатыйма апа, 90 яшьтә булуына карамастан, көр күңелле, көчле рухлы әле. Без аңа исән-сау яшәп, дусты гармун белән аерылмаска телибез.