Яхшыбайда Нурҗиһан әбигә 90 яшь тула

--, 8 сентябрь 2013 - 07:38
495
0
0

Туган көнне алдан үткәрергә ярамый дисәләр дә, "90 яшь" дип исемләнгән түгәрәк дата өчен кагыйдәне бозарга да мөмкин. Яхшыбай авылыннан Фәттахова Нурҗиһан Шәрәп кызының туган көне - 9 сентябрьдә. Тик ул атнаның беренче эш көне - дүшәмбегә туры килә. Шуңа күрә, юбилей бүген үткәрелә.

Бөек Ватан сугышы ветераны Нурҗиһан әби берүзе генә яшәсә дә, күрше авылда торучы улы Мөхтәр гаиләсе белән аңа гел ярдәм итеп тора. Бүген дә бәйрәмгә Нурҗиһан әбинең барлык туганнары, дуслары, коллегалары җыелган. Кыскасы - бөтен авыл диярлек. Шул хөрмәттән бик матур өстәл әзерләнгән.

Без Нурҗиһан әбине олы юбилее белән чын күңелдән тәбрик итәбез, аңа тагын да шулай итеп туган көннәрен үткәрергә язсын дип теләп калабыз.

Нравится
Поделиться:
Реклама
Комментарии (0)
Осталось символов: